 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ўкруг месяца туманнае гало.
Мароз ступае адубелым садам.
Самотным дрэвам сьняцца май і радасьць,
А мне – маё забытае сьвятло.
Ты чуеш? Ноччу кожнаю яшчэ,
Самотай зрынута нечалавечай,
Цалую я твой горды лоб і плечы
І сьветаў сотні ў бездані вачэй.
Цалую рукі – люльку добрых сноў
І да грудзей-сумётаў прыпадаю,
І гіну ў полымі. І паміраю,
Бо згаснула ў сьнягох даўно яно.
Што мне да тысячы начных сьвяціл?
Ў дарэмным мараньні аб згаслым сонцы
Начным ваўком гляджу ў тваё ваконца, –
Яно – за трыста міль.
Яно – ў былым жыцьці.
5.II.1966. Рагачоў.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
